27-09-2009 Berrea en Somiedu

PINEDA - COLLAU PINEDA
Tras una llarga y oscura nueche ganandome los garbanzos tiro pa Somiedu, en Belmonte, restriogome los güeyos, a pellizcame non llegue, atravesaos en metá la carretera alcuentro a los collacios.

Ya na Pola distrubuyimonos polos afayaizos, guapos, prestosos, soleyeros, tranquilos... apartamentos, dalgunos queense a xintar, Josito, Victor, Ana P, Toño y Yo decidimos chai un vistazu a la ruta prevista pala tarde-nueche.

Provistos d'agua, gorros y proteición solar allegamonos a Pineda (800), dende'l coche les primeres impresiones; estrecha y pindía más pista que carretera, ye díficil dar la vuelta y más entovía aparcar. Ya caleyando ente goterón y goterón de sudor, el cielu azul y el sol xusticieru; demasiao desnivel, vamos char más tiempu del previstu en subir al colláu.

Los paisanos del pueblu cuentennos que sube muncha xente por mor dela berrea, chamos a caminar camín arriba, fai munchu calor, son les dos dela tarde, menos mal que casi to ye pola solombra, pero los goterones de sudor comencipíen a metese nos güeyos.

Nel colláu Pineda (1170) alcontríamos un afayaizu roquedal dende el que güeyar tol valle. Nel xintamos selemente, ensin priesa nenguna colos berrios de música de fondu.
De vuelta nel pueblu llamamos pa que ten preparaos y non se nos faiga muy tarde.

Mientres convenciemos al paisanu que habíemos subio, baxao y vuelta p'arriba, aparcaben los cuatro coches cola collaboración delos vecinos, sin dudía facilitá pola presencia delos meniskinos que salen disparaos como si fuera p'abaxo, sigolos cola llingua fuera, atayolos y consigo disuadilos pa qu'esperen polos vieyos, uffff, menos mal que lo consegui.

Xuntos y calladinos algamamos el colláu Pineda casi al mesmu tiempu que la borrina, Josito, Cris y Yo según lo alcordao tiramos un poco más p'abaxo, xusto pa ver un venao salir como un sputnik, no me dio la oportunida de dispara-y una semeya.
Mientrés los demás quearón camuflaos ente la borrina nosotros parapetamonos ente los felechos oyendo berrar por tolos frentes, pero ensir ver ningún otru animal, bueno, no ye del to cierto.

Vemos apaecer pola fastera d'enfrente una maná de palurdos de ciudad que berraben más fuerte que los probes animales que por educación guardaben silenciu.
Tiempu pa recoxer los trastos y volver a la civilización, llegamos coles últimes lluces del día, estrenando los rapacines les llinternes.
Tras una bona ducha toca xintar una bona cena nuna sidrería del llugar.
Fuerón 2,7 km. y un desnivel de 371 m. dalgunos ficimoslo dos veces.

Amanez un nuevu día, naide lu ve, col sol allumbrando y calentando per bien, damos bona cuenta del desayunu, ¿dizse continental?

Dexo el coche en Coto y tos xuntimos colamos puertu arriba hasta'l llugar de Llamardal (1250) onde abandonamos el restu los coches y entamamos a caleyar.

El cielu azul y el sol que non se compadez ni de grandes ni de pequenos, un tramu muy pequeñu pola biesca y vuelta a calentar la sesera.

Disfrutamos del paisaxe y del paisanaxe (el nuesu) disfrutando les maravielloses vistes del valle, los pueblos, los picos, a esi tenemos que subir, a esi ya subimos, mira un osu, ya lu veo ta falando conmigo.

Ensin danos cuenta ya tenemos a tiru piedra la Braña de Mumian (1400) atraviesamosla per riba y per baxo, tamién pol mediu, un millón... y mediu de semeyes.
No alto la braña sentamonos a xintar, facemoslo ensin priesa, dalgunos pequeninos y grandes empicotamonos nel Molinón (1487) nun había partido pero les vistes compensaben el nimíu esfuerzu, incluides les del restu'l grupu apigazando na campera.

De vuelta al llugar ponemoslos en pie y tiramos pista p'abaxo pola biesca dela Enramada, área protexida, los meniskinos van calladinos pa no despertar a los osos.
Llegamos a Cotobuenamadre, los conductores chamos a correr hasta'l cercanu Coto (850).

Subimos hasta Llamardal a coxer los otros vehículos, camudamonos de ropa y despedimonos, ya ye tarde y non da tiempu a tomar na.

Fuerón 7,6 km. en 4 hores y 20 minutos y un desnivel de 271 m.

Entovía echo un buen ratu de parola col vecín de Llamardal, naciu en Ourense que vive tol añu nel llugar, cuando yeren probes teníen dos cases (los vaquieros d'alzada), falamos de buen fútbol, el sporting ensín dudía, d'osos, de políticos, d'uropa... osease de to, de deportes, de ecoloxía, de xentuza, dela vida, d'ayudes...

15-09-2009 Cueves del Agua

Los compañeros de trabayu van como casi tolos años a baxar el Sella, yo non pueo dir tan ceo, intentaré recuperar el tiempu perdíu remando nel platu, el ríu dexolu palos profesionales.

Eso si enantes de xintar voy facer de reporteru gráficu.

Ya se tiren al agua con retrasu, sobre les 12, poco más tarde toi en Ribesella tomando el vermú.
El cielu ta encapotáu y caprichosu, un ratiquín fai sol otru echa agua como si non tuvierán bastante dientro la canoa.

Baxome del coche nel km. 330 dela nacional 634, armáu col tripode y la máquina retratar crucío'l Sella pol puente colgante de Fries.
Al otru lláu'l ríu el cielu recuerdame que dexe'l paragües nel maleteru, asina nun s'escacharra, toca correr, apuru'l pasu pa cobixame na Cuevona.

Nalgún folletu bien espublicitáu esti llugar, porque ta enllenu de turistes, dalgunos tan vagos que ni se baxen del coche...
Paciencia, trípode y a facer semeyes, demasiáo tráficu pales llargues exposiciones, dalgún coche faime recoxer los trastos en metá la exposición, nun cuesta ná, solo tiempu, ya dicíen los antigüos que yera oru.

La Cuevona ye'l únicu acesu rodau al pueblu de Cueves, los otros son dando-y a les patuques.

Tras una llarga sesión semeyera toca camudar d'escenariu, fue querer salir dela cueva y chame'l agua p'atrás, vaya manera deluviar, otres poques de semeyes na cueva.

Dela Cuevona al chigre, nun santiamén, lo de retratar dalgún rincón del pueblu queá pa otra vegada. Nel chigre aparte del café pido una bolsa de plástico, deses que contaminen, pa guarecer la cámara, yo puo moxame pero el apáratu val más que yo.

Nel puente unes semeyes al ríu, al puente, al picu Corona'l Castillu, allá arriba tuvimos nun día d'agua como güei.
Al fin vienen, unes semeyes, non son ellos y yo no soy quién ellos creen, tras falar y desfacer el entuertu, unes rises, ellos siguen remando y yo sigo esperando.

Un puente más p'arriba... ni rastru dela tripulación, la barriga ruxe como un mercancíes, debe ser la fame.
Ye raro que hayan terminao, y ¿que se pusierán a xintar ensin mi? Nes Arriondes tan los coches, tras entrugar por ellos doy una vueltina pol pueblu, son más deles 4.

Agora toi sacando-y provechu al paragües, al final apaecen, moyaos y cansaos, dalgunos manifiesten tener aguxetes, costoyos trabayu, la culpa dicen, la falta d'agua.

Vamos carretera monte arriba, la sensación de tar perdios na selva, ensin ningún llugar onde dar vuelta, esi fue'l motivu que llegaramos al golor deles fabes, tamos en L'Oliciu, xintamos perbien, les coses d'aquí; pote, arroz con pitu, escalopines, tortos, huevos fritos, chorizu, quesu, tartes y llambionaes varies, café, chupitos... barato, barato y bono, bono.

Al día siguiente aguantalos nel trabayu, tos, bueno casi que tos frayaos y con movilidad casi nula, menos dela ya poca que tienen.

29-08-2009 Espigüete

VALVERDE DE LA SIERRA-ALTO DE LA CASILLA-ESPIGÜETE-COLLADO ARRA-VALVERDE DE LA SIERRA

Güei somos un rebañín, los nuevos llevennos cola llíngua fuera, dizlo el comandante y como siempre, tien razón, el próximu que quiera venir, por dicilo finamente tien que tener sobrepesu, muncho sobrepesu que haya qu'esperar guapamente por él.

Al golor d'un cafetín recién fechu y unes casadielles que entovía tan nel fornu vamos llegando a Campu Casu, Paco, Juan Luis, Riestra, Juan, Josito, Alberto, Bernardo, Manolo, Juan Carlos y Cundi, apenes son les 7.30 ta acabante d'alboriar.

En Valverde de la Sierra (1350) baxamos delos coches, el día despexáu atisbase calurosu, son les 9.30 cuando entamamos a caleyar, el gps quier llevanos enllano, ni putu casu al aparatu, pola pindia fastera p'arriba furando ente los piornos, eso si, pola solombra.

El Espigüete, la mole del Espigüete ca vez paez más grande.

Nel Alto la Casilla (1884) primera reunión téunica. Acabose la solombra. Les vistes empiecen a ser alloriantes, o acoxonantes según se mire p'abaxo o p'arriba.

Pol pedregal p'arriba dexa de ser pindio, agora ye cuesto, ya cuesta esguilando colos pies y les manes, faense necesaries les paraes, pa beber, pa mexar, pa descansar.

Llevanto la cabeza, nun pue ser tengo que axustar estes gafes, solo veo piedres y más piedres...y más piedres.
El calor secu desta tierra non fai sudar, menos mal porque calor fai de sobra.

Crucíome colos d'alantre, baxen del picu, van pal otru cogollu, faigo como que no los veo, solo tengo güeyos pala cume oficial.

Hay bastante xente, 8 o 10 de distintes procedencies, semeyes abondo, grandioses vistes, los macizos oriental y central bien delimitaos, van nomandose toles cumes d'alredor, los que se güeyen y los que non, dalgún noma hasta Sierra Nevada, güei pue dicise que'l calor yos afecta seriamente.

Son les dos, hora de xintar, facemoslo seliquinamente, la brisina fai afayaiza la estancia nesti Espigüete (2451).
Agora bien lo serio ¿por onde c... baxamos? murmuriando polo baxo, si viniera el helicoteru...

Tiramonos pol inmensu pedregal abaxo, caún baxa una tonelá de piedres y non se pue dicir que sean precioses, sobretó les que van dientro les botes.

Fináu'l pedreru toca remontar hasta'l colláu Arra (1993) como s'agradez el aire que sopla fríu, y sobre to'l güeyar el pueblu no fondero, ¡ya to p'abaxo!

Unes poques de piedres más, que non falte la porción de piornos y cotoyes, una fuente que ñaz nel mismu suelu, que fría ta non se dexa beber esti agua.

La pista llarga, tendía y polvoriosa dexanos nel mismu pueblu.

Bones fuentes que usamos de llavaderu, los coches na solombra, el club social que fai de bar a 10 metros, que guapo taba to.
Son les 5 dela tarde.

Paramos en Riosecu a refrescar otro poco, vamos con priesa, les obligaciones, Paco tien que dir a trabayar los demás a folgar.

Fuerón 1124 m. de desnivel, 12 km. en 7 hores y 40 minutos caleyando y 5 hores y 300 km. en coche.

23-05-2009 Peña Blanca

ALTU L'ORTIGUERU-TREBANDI-PEÑA BLANCA-ASIEGU

Güei vamos facer algo distinto, el plan ye finar xintando dempués duna visita cultural, esto en principíu tien que facer aumentar la familia.

Semos 35 los que a les 10.00 partimos de Xixón, na subía a L'Altu Ortigueru coincidimos cola clásica ciclista a Los Llagos, metémonos dientro la carrera, vamos alantrando ciclistes, notase que llevamos meyor motor.

Nel Altu L'Ortigueru (410) baxamonos del autobus y ponemonos a caleyar, llegamos al Colláu Cerraos (520) per una pista bien embarrá. La mayoría del grupu sigue de frente por onde más barro hay, les vistes seríen más prestoses si la borrina desapaeciera.

Pese a la borrina y l'orpín 11 meniskos van subiendo ente gorbizos pola pindia fastera. Llegamos al Picu Cantu (711), pasamos llista a ver quienes tamos, colamos cresta alantre gueyandonos de vez en cuando por di dalgún se esmolecía.

El sol sería muncho dicir, pero la borrina si que nos va dexando ver dalgunos metros más pallá de nueses narices.

Nel Colláu Trebandi topámonos col formigón, acompañanos hasta'l Mayáu Trebandi (797) onde falamos con dos pastores que tan atendiendo al ganao.
Seguimos darréu pol Mayáu La Mata, el Colláu Virzu y la Braña d'Asiegu (990) onde la xente parase a xintar.

Yo sigo los pasos de Jordi que lleva una guapa ventaxa, la falta de Josito cubrola yo, tiro de frente esguilando al primer cumal qu'atopo. Llego crestíando a Peña Blanca (1182) la más negra de tol Cuera, al mismu tiempu llega Victor y Jordi ya ta finando de xintar, danos envidía asina que entamamos la xintadera.

Baxamos intentando dir más apriesa que la borrina, misión imposible, atayonos y alantronos a la altura de la Braña d'Asiegu pela que pasamos a tientes, tengo a Jordi al lláu, selo porque vamos falando y a más de tar oyéndolu faigo-y casu.

Atisbamos el cercáu del Mayáu Trebandi, tiramonos en so direición, agora ye seguir la formigoná pista hasta dar col primer chigre.

La borrina va esmuciendose ya casi cuando nun fai falta, la diferencia cola última vegada que tuve per aquí ye'l mediu metro ñeve que falta.

N'Asiegu nun atopamos una fuente pa llavanos, dibemos enfotaos escontra'l restu del grupu, lo que ye lo mesmo qu'atopar el chigre, entovía dudío ente si taba rotu'l vasu o la botella, ta nidio que llevaba menos de lo que tenía que llevar.

Teníamos sede, pese a la borrina y l'orbayu matutín facía munchu bochornu.
Hasta agora van seis hores, 867 m. de desnivel y 13,4 km.

Tras abrevar per bien, col gargüelu bien frescu y camudaos de ropa, dalguna paecía dir de boda, comencipía la segunda parte desta xornada, un poco d'etnografía otro poco d'hestoria, peculiaridáes del quesu cabrales, visita a la cueva'l quesu...

Finamos cola tercera estaya del día, anque ya sea de nueche, una bona espicha con bon quesu, bona sidra, bona compaña, dalgún cantar y la vitoria del Sporting.
Y pa casa, llegamos pasaes la 1.00 de la mañana.